هه‌رسێ رێكخراوی خێرخوازی(هانا، به‌خته‌وه‌ری، رابیته‌ی مرۆیی) سەرکەوتنی گەورەی کەمپینەکە رادەگەینن و سوپاسی خێرخوازان دەکەن
بسم الله الرحمن الرحيم
وتعاونوا علی البر والتقوی
ھاوڵاتیانی بەڕێزی کوردستان و خێرخوازانی دڵئاواو ئازیز، لێرەوە سەرکەوتنی گەورەی کەمپینەکەی ھەرسێ ڕێکخراو (ھانا،ڕابیتە،بەختەوەری) بۆ زیانلێکەوتوانی بومەلەرزەکەی ڕۆژئاواو باکوری کوردستان ڕادەگەیەنین، لەدوای شوکرو ستایشی خوای گەورە، پیرۆزبایی و سوپاس و پێزانینی بێ پایان ئاراستەی ئێوەی خێرخوازانی سەخاوەت مەندوو خۆشەویست دەکەین،
وەخەڵکی خۆشەویست و خێرخوازانی کوردستان دڵنیا دەکەینەوە کۆمەکی و ھاوکاریەکانتان بەئەمانەت و بەدەستی سپی ھەرسێ ڕێکخراو، بەشێوەیەکی ناوازەو سەرکەوتوانە گەشتە شوێنی خۆی و تەواوی ھاوکاریەکانتان بەسەر خەڵکانی شایستەی ناوچە زیانلێکەوتووەکانی بومەلەرزەکەی باکورو ڕۆژئاوای کوردستاندا دابەشکرا
لەکۆتایدا وێڕای سوپاس و دەستخۆشی زۆرمان، دوعا خوازین خوای گەورە بەلوتف و ڕەحمانی خۆی ھەموو ئەو بەخشین و خێرانەتان بۆبکاتە بەرەکەتی دونیاو دواڕۆژ، وەئارامی و ئاسودەیی بڕژێنێت بەسەر شارو وڵات و کۆمەڵگەماندا..
ڕێکخراوی ڕابیتەی مرۆی
ڕێکخراوی ھانای خێرخوازی
ڕێکخراوی بەختەوەری